(सन्दीप योगी)
काठमाडौं । राष्ट्रिय युवा संघ नेपालले प्रधानमन्त्री केपी शर्मा ओलीको समर्थनमा आइतबार साँझ दीप प्रज्वलन गरेको छ ।
सरकारको सिफारिसमा राष्ट्रपति विद्यादेवि भण्डारीले संसद् विघटन गरेपछि चौतर्फी बिरोध जारी रहँदा केही युवाले समर्थनमा मैनबत्ती बालेका हुन् ।
आफ्नै पार्टीको सरकारलाई काम गर्न नदिई प्रतिपक्षि भन्दा तल गिरेर सरकारलाई सहयोग नगरेपछि ताजा जनादेशको निम्ति संसद् बिघटनको निर्णय स्वागतयोग्य रहेको भन्दै राष्ट्रिय युवा संघका केन्द्रिय नेता विपिन ढकाल र सुजन राईको नेतृत्वमा प्रज्वलन कार्यक्रम गरिएको हो ।
दीप प्रज्वलन कार्यक्रम बोल्दै राष्ट्रिय युवा संघका केन्द्रिय सदस्यद्धयले अब भ्रस्ट्रचारीलाई कारवाही हुनु पर्ने ललिता निवास काण्डमा माधव नेपालमाथि छानविन हुनु पर्ने क्यानटनमेन्टमा भएको अनियमिताको छानविन हुनु पर्ने बताएका थिए ।रासस
