(सागर थापा)
दाङ । प्रधानमन्त्री केपी शर्मा ओलीले प्रतिनिधी सभा विघटन गर्न सिफारिस संगै अहिले दाङमा सुरक्षा ब्यबस्थापन बाक्लो पारिएको छ ।
जिल्ला प्रहरी कार्यालय दाङका प्रहरी प्रमुख एसपी गणेश चंन्दले अवस्था भडकिन सक्ने र आन्दोलन चर्किन सक्ने भन्दै दाङ जिल्लाभर प्रहरी प्रमुखहरुलाई सचेत र चनाखो रहन निर्देशन दिएका छन् ।
संसद विघटनको प्रस्तावप्रति जनमानसमा आक्रोश फैंलिदै गएपछि सुरक्षा फौजलाई आवश्यक्ता अनुसारका सामाग्रीहरु तयारी अवस्थामा राख्न निर्देशन गरेका छन । नेपाल कम्युनिष्ट पार्टी नेकपाको विवादलाई लक्षित गरि दाङमा थप प्रहरीहरु परिचालन गरिएको छ । दाङ प्रहरी प्रमुख एसपी चंन्दका अनुसार अहिले विशेष गरि नेकपाको पार्टी कार्यालयका लागि समेत देशभर विवाद भइरकेको अबस्थामा दाङ जिल्लामा पनि दुई पाटीको विवाद हुन सक्ने भन्दै थप प्रहरी मुख्य बजारमा परिचालन गरिएको छ ।
साथै दाङ जिल्लाभरमा पार्टी कार्यालय आसपासमा बढि प्रहरीले निगरानी गरेको दाङ प्रहरी प्रमुख एसपी गणेश चंन्दले जानकारी दिनुभएको छ ।
