(सिमा गुरुङ)
भैरहवा । रुपन्देहीको गैडहवा गाउँपालिकाको मोटरसाइकलमा आगलागी भएको छ । लु१ब १४३४ नम्बरको एबेन्जर मोटरसाइकल स्कुटरसँग ठक्कर खाएपछि आगलागी भएको हो।
शनिबार सैनामैना नगरपालिका बुद्धनगरस्थित गैरे डिजल्स अगाडि लु ६४ प ३६५० नम्बरको स्कुटरसग ठक्कर खाएको थियो । मोटरसाइकल चालक दीपक घिमिरे भने सकुसल रहेका छन् । दुर्घटना पछि मोटरसाइकल पल्टिएलगतै आगो लाग्न सुरू भएपछि स्कुटरलाई भने तानेर जोगाएको प्रत्यक्षदर्शीले बताएका छन् ।
आगो लागेपछि मोटरसाइकल पूर्ण रूपमा ध्वस्त भएको प्रहरीले जनाएको छ। आगो लागेपछि केहीबेर सडक नै अवरुद्ध भएको थियो ।
