ABC (क्राईमबिट)
काठमाडौं । बाहिरी जिल्लाबाट काठमाडौं उपत्यका प्रवेश गर्न लागेको एउटा ट्रकका चालक ट्राफिक प्रहरीलाई घुस दिन खोजेको आरोपमा थानकोटबाट पक्राउ परेका छन् ।
ड्युटीमा रहेका ट्राफिक प्रहरी कर्मचारीलाई ५ सय रुपैयाँ घुस दिन खोज्ने एक चालक पक्राउ परेका हुन् । पक्राउ पर्नेमा ना ६ ख ३०४० नम्बरको ट्रकका चालक बारा निजगढका भीमबहादुर विक छन् ।
शुक्रबार ११ बजेतिर थानकोटस्थित हिमाल पेट्रोल पम्पनजिक ड्युटीमा खटिएका ट्राफिक प्रहरी जवान भानुभक्त ढकालले विकलाई मापसे कारबाही गर्न खोज्दा विकले ५ सय रुपैयाँ घुस दिन खोजेका थिए ।
उनलाई पक्राउ गरी कारबाही गरी महानगरीय प्रहरी वृत्त थानकोटमा बुझाइएको ट्राफिक प्रहरीले जनाएको छ । रासस