(महेन्द्र सिंह)
बाँके । सामुदायिक सेवा केन्द्र तथा सामुदायिक प्रहरी सेवा केन्द्र, नेपालगञ्जको अध्यक्षमा दिपेन्द्र जोशी चयन हुनु भएको छ ।
केन्द्रको आठौ साधारण सभा तथा अधिवेशनबाट जोशी अध्यक्षमा चयन हुनु भएको हो । जोशी यसअघि उपाध्यक्ष हुनुहुन्थ्यो । केन्द्रको उपाध्यक्षमा सञ्जय थापा, सचिवमा विवेक श्रेष्ठ, सहसचिवमा माया गुरुङ र कोषाध्यक्षमा श्याम शर्मा चयन हुनु भएको छ ।
हरिचन्द्र श्रेष्ठ, श्यामबहादुर केसी, रामप्यारे बर्मा, चोलराज श्रेष्ठ, जयदेव अवस्थी, नरेन्द्र श्रेष्ठ, मख्खनबहादुर धामी, सुरेन्द्रकुमार श्रेष्ठ, सरबर प्रसाई, ताराकुमारी रोकाय, सूर्यकुमार श्रेष्ठ, किसन गुरुङ, इन्द्रकुमार गिरी, प्रदीपप्रसाद श्रेष्ठ सदस्य हुनु भएको छ ।
२०५८ सालमा स्थापना भएको केन्द्रको आठौं साधारण सभा तथा अधिवेशन उद्घाटन नेपालगञ्जका मेयर डा. धवलशमशेर राणाले गर्नु भएको थियो । मेयर राणाले केन्द्रले समाजमा अपराध न्यूनीकरणमा सघाउ पु¥याएको बताउनुभयो ।
संस्थापक अध्यक्ष अच्यूत प्रसाई, कृष्णप्रसाद श्रेष्ठ, वडाध्यक्ष सुनिलसिंह हमाल, प्रहरी निरीक्षक सुरज खत्रीले समाजमा शान्ति सुरक्षा कायम गर्ने कुरामा केन्द्रले सहयोग गरिरहेको बताउनुभयो ।
अध्यक्ष शशी स्वाँरले प्रहरी र नागरिकको सम्बन्ध नङ र मासुको जस्तै भएको भन्दै केन्द्रले जनचेतनामूलक गतिविधिहरु गरिरहेको बताउनुभयो । ‘अपराधमुक्त समाज निर्माणमा केन्द्रले ठूलो सहयोग गरिरहेको छ, स्वाँरले भन्नुभयो, लागु औषध नियन्त्रण, मानव बेचबिखनविरुद्धलगायतका गतिविधिमा हातेमालो गरिएको छ ।
साधारण सभाको अवसरमा माइती नेपाललगायत सहयोगी संघ संस्था तथा उत्कृष्ट कर्मचारीलाई सम्मान गरिएको थियो ।
