(सागर थापा)
दाङ । तुलसीपुर कारागारका कैदी बन्दीहरुका लागि तनाव व्यवस्थापन तथा सकारात्मक जीवनशैली विषयक साप्ताहिक प्रशिक्षण एवं मानसिक शान्ति राजयोग अभ्यासको बुधबार समापन गरिएको छ । जिल्ला प्रशासन कार्यालय दाङ र कारागार कार्यालय तुलसीपुरको आयोजना तथा ब्रह्माकुमारी ईश्वरीय विश्व विद्यालय क्षेत्रीय कार्यालय दाङको सहकार्यमा साप्ताहिक कार्यक्रम समापन गरिएको हो ।
तुलसीपुर कारागारका जेलर युबराज परियारको सभापतित्व एवं दाङका प्रमुख जिल्ला अधिकारी जयनारायण आचार्यको प्रमुख आतिथ्यतामा साता व्यापी रुपमा सञ्चालन भएको प्रशिक्षणको समापन गरिएको छ । कार्यक्रममा ब्रह्माकुमारी राप्ती क्षेत्रका प्रमुख राजयोगिनी गीता दिदी, जिल्ला प्रहरी कार्यालय दाङका प्रहरी प्रमुख एसपी गणेश चन्दको विशिष्ट आतिथ्यतामा
सो कार्यक्रममा बोल्ने वक्ताहरुले जीवन र जहत, सृजनशीलता, विचार र व्यवहार कैदी नबनोस, बिगतको गल्ती कमी कमजोरीलाई शिक्षा लिदै वर्तमानमा रमाउन सिकौ, तनावलाई सही तरिकाले व्यवस्थापन गर्दै जीवन जगतलाई बुझ्दै शरीरको स्वस्थतासंगै मनको एकाग्रता र सकारात्मक सोचको आवश्यकता माथी जोड दिएका थिए ।
करिब २५० जना कैदीबन्दीको सहभागीता रहेको एक हप्ते शिविरमा सकारात्मक सोच, स्वस्थ जीवनशैली, व्यवहारमा कुशलता, मानसिक स्वास्थ्य, खुशी एक कला र भावनात्मक परिवर्तन जस्ता गहन सन्दर्भमा प्रशिक्षण केन्द्रीत रहेको थियो ।
