२५ आषाढ २०८२, बुधबार
09-07-2025 , Wed
×

निर्वाचनमा म्यादी प्रहरीले रोजगारी पाउछन अर्थमन्त्री : पौडेल

Logo
प्रकाशित मंगलबार, माघ १३, २०७७

(ABC क्राईमबिट) काठमाडौं । अर्थमन्त्री विष्णुप्रसाद पौडेलले निर्वाचनले आर्थिक क्रियाकलाप बढ्ने बताउनुभएको छ । नेपाल चेम्बर अफ कमर्सले सोमबार काठमाडौंमा आयोजना गरेको कार्यक्रममा अर्थमन्त्री पौडेलले निर्वाचनमा आर्थिक क्रियाकलाप बढ्ने हुँदा अर्थतन्त्रमा सकारात्मक मद्दत पुग्ने बताउनुभयो ।

निर्वाचन प्रयोजनका लागि खटाइने कर्मचारीहरुलाई हुने भुक्तानी र अन्य खर्चले बजारलाई चलायमान बनाई सहयोग गर्ने अर्थमन्त्री पौडेलको भनाई छ ।

उहाँले निर्वाचनमा हुने खर्चलाई फजुल खर्चको रुपमा चित्रण नगर्न आग्रह पनि गर्नुभएको छ । अर्थमन्त्री पौडेलले छिटो निर्वाचन गरेर सरकारले फजुल खर्च बढाउन खोजेको रुपमा मध्यावधि निर्वाचनलाई चित्रण नगर्न आग्रह गर्नुभयो । उहाँले भन्नुभयाे, ‘निर्वाचनमा हुने खर्चलाई कतिपयले फजुल खर्चको रुपमा चित्रण गरिरहनु भएको छ । तर म त्यस्तो ठान्दिनँ किनभने पहिचाको रुपमा खर्च हुँदा पनि स्वाभाविक रुपमा आर्थिक क्रियाकलापमा पनि सहयोग पुर्याउछ ।’

निर्वाचन लोकतन्त्रको प्राण भएको बताउँदै अर्थमन्त्री पौडेलले संविधानले पाँच वर्ष वा त्योभन्दा अगाडि पनि निर्वाचन गर्न पाउने व्यवस्था गरेको धारणा राख्नुभयो । त्यस्तै उहाँले लोकतन्त्रको प्रक्रिया भएकाले निर्वाचनलाई फजुल खर्च भन्न नमिल्ने र पाँच वर्षभन्दा अगाडि नै भए पनि अत्यास मान्नुपर्ने बताउनुभयो ।

उहाँले भन्नुभयो, ‘कतिपय मानिसले अहिले निर्वाचको लागि कहाँबाट खर्च जुट्छ ? खर्चै गर्ने सक्ने अवस्था छैन भनेर भनिरहेका छन् । निर्वाचन लोकतन्त्रको प्राण हो । त्यो कहिले हुन्छ भन्ने परिस्थितिमा भर पर्ने कुरा हो । हामी ठिक पाँच वर्षमा पनि गर्ने सक्छौँ, परिस्थितिले माग्यो भने त्योभन्दा अगाडि पनि मध्यवर्ती चुनावमा जान सक्छौँ ।’

निर्वाचनकै लागि भनेर म्यादी प्रहरी भर्ना गर्ने र केही समयका लागि भएपनि उनीहरूले रोजगारी पाउने उहाँले बताउनुभयाे । उहाँले भन्नुभयाे, ‘निर्वाचनको लागि केही म्यादी प्रहरी खटाउछौँ, उनीहरुले केही सयमको लागि भए पनि रोजगार पाउछन् । बजार अलि चलायमान हुन्छ । आर्थिक क्रियाकलापमा त्यसले केही सहयोग नै गर्छ ।’

निर्वाचनले राजनीतिक स्थायित्व र स्थिरतालाई खण्डित गर्‍यो भन्ने बुझाई गलत भएको पनि अर्थमन्त्री पौडेलले बताउनुभयो । जनता, राष्ट्र, प्रगति र समृद्धिप्रति समर्पित अनुशासित प्रतिनिधि सभाको निर्माण गर्नका लागि मध्यावधि चुनाव आव्हान गरिएको पनि अर्थमन्त्री पौडेलले स्पष्ट पार्नुभएको छ ।

कमेन्ट गर्नुहोस्
सम्बन्धित

मधेस प्रदेश । प्रहरी कार्यालयले महोत्तरीको गौशाला इलाका प्रहरी कार्यालयका प्रमुख प्रहरी निरीक्षक (इन्स्पेक्टर) उत्तम सिंह भण्डारीसहित तीन प्रहरीलाई जिम्मेवारीबाट हटाएर अनुसन्धान सुरु गरेको छ । व्यापारीहरूसँग जबरजस्ती रकम असुली, चेक अनादर मुद्दामा आर्थिक लाभ लिएको र बिचौलियामार्फत अनैतिक रूपमा रकम सङ्कलन गरेको गम्भीर आरोपमा उनीहरूमाथि छानबिन भइरहेको छ । जिल्ला प्रहरी कार्यालय महोत्तरीका प्रवक्ता, […]

भारतको गुजरातमा पुल अचानक भाँचिदा केही सवारी साधनहरु नदीमा खस्यो उद्धारकार्य जारी नयाँदिल्ली । वडोदरा र आणन्दलाई आपसमा जोड्ने पुलको बिचको एउटा हिस्सा भाँचिएको हो । गम्भीरा नाम गरिएको सो पुल भाँचिएलगत्तै कांग्रेस आईका नेता तथा विधानसभामा विपक्षी नेता अमित चावडाले सामाजिक सञ्जालमार्फत उद्धारका लागि सरकारलाई अपिल गरेका छन् । उनले यातायातका लागि वैकल्पिक व्यवस्था […]

नुवाकोट । जिल्ला प्रहरी कार्यालय नुवाकोटमा कार्यरत असई राजेश के.सी. एक प्रशिक्षण कार्यक्रममा जीवनको सत्यता उजागर गर्दै भन्छन्: “मरेर लानु केही पनि छैन… पद, प्रतिष्ठा, सम्पत्ति — यी सबै त क्षणिक हुन्। स्थायी भनेको केवल तपाईंको नाम, तपाईंको कर्म, र तपाईंलाई सम्झने यादहरू मात्र हुन्।” उनी थप भन्छन्, “यो जीवन अन्ततः ढुंगा र माटोसँगै विलीन […]

error: Content is protected !!