महेन्द्र सिंह
बाँके । कोहलपुरमा दुर्लभ वन्यजन्तु रेडपाण्डाको अवैध छालासहित तीन जना पक्राउ परेका छन् । इलाका प्रहरी कार्यालय कोहलपुरले रेडपाण्डाको छालासहित कोहलपुर १२ चप्परगौडीस्थित एक होटलबाट तीन जनालाई पक्राउ गरेको जनाएको छ ।
रेडपाण्डाको छालाको अवैध कारोबार भइरहेको भन्ने सूचनाको आधारमा लुम्बिनी प्रदेश प्रहरी ब्युरो र इलाका प्रहरी कार्यालय कोहलपुरको संयुक्त टोलीले सुर्खेतको भेरी गंगा नगरपालिका १० का ४० वर्षीय दलबहादुर शाही, जाजरकोटको जुनिचाँदे गाउँपालिका ११ का ११ वर्षीय धनबहादुर शाही र सल्यान कुपिण्डेदह नगरपालिका ४ का ३३ वर्षीय भरत बहादुर पुनलाई पक्राउ गरेको हो ।
प्रहरीले होटलको ११३ नम्बर कोठा खानतलासी गर्ने क्रममा झोलामा लुकाइराखेको अवस्थामा दुई थान रेडपाण्डाको छाला बरामद गरेको कोहलपुर प्रहरीले जानकारी दिएको छ ।
