ABC (क्राईमबिट ब्युरो)
पर्सा । भारतीय नंम्बरको स्कारपियो गाडी भन्सार छली चोरी पैठारी गरी नेपालमा भित्र्याई पर्सा जिल्लाको ग्रामीण वडा एरियाहरुमा विगत लामो समय देखि अनाधिकृत रुपमा चलाई रहेको छ भन्ने विशेष सुचना अनुसार यस कार्यालयबाट खटि गएको प्रहरी टोलिले खोजतलास गर्दै जाने क्रममा जिल्ला पर्सा बीरगंज म.न.पा. वडा नं. १५ भेडियाही स्थितमा पुग्दा सुचना अनुसारको BR05PA 6572 नम्बरको भारतीय स्कारपियो गाडी सडकको छेउमा बेवारिसे अवस्थामम फेला परेको हुँदा उक्त सवारी बेवारिसे अवस्थामा बरामद गरी यस कार्यालयमा ल्याई राखिएकोमा हाल सम्म पनि उक्त सवारीको सवारी धनी आवश्यक पर्ने कागजात सहित हक दावि गर्न नआएको हुँदा आवश्यक कारवाहीको लागि बीरगंज भन्सार कार्यालयमा पठाईएको जिल्ला प्रहरी कार्यालय पर्साका प्रहरी प्रमुख एसपी बेल बहादुर पाण्डेले जानकारी दिनुभएको छ ।
