ABC (क्राईमबिट)
काठमाडौं । नेपाल एयरलाइन्सको उडानद्वारा काठमाण्डौंबाट दुवई जान लागेको यात्रु काठमाडौं जिल्ला महानगरपालिका वडा नं.१४ कलंकी स्थायी वतन भएका आशिष खाती क्षेत्रीले लिई आएको कालो रंगको ह्याण्ड व्याग (सुटकेश) लाई त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फको प्रस्थान ह्याण्ड व्यागेज चेकिङ्ग एरियाको X-ray No. 2 (पुरुषतर्फको X-ray) मा चेकजाँच गर्ने क्रममा उक्त सुटकेशबाट नेपाली रुपैयाँ श्रोत नखुलेको तथा भन्सार उद्घोष (Declare) नगरेको जम्मा नेपाली रुपैयाँ १०,००,०००।– लुकाई छिपाई अबैध रुपमा बाहीरी मुलुकतर्फ लैजान लागेको अवस्थामा फेला पारिएको हुँदा आवश्यक अनुसन्धान एवं कानूनी कारबाहीको लागि त्रिभुवन विमानस्थल भन्सार कार्यालय गौचर पठाइएको अन्तर्राष्ट्रिय विमान स्थलका प्रहरी प्रमुख वरिष्ठ प्रहरी उपरीक्षक राजेश बास्तोलाले जानकारी दिनुभएको छ ।
