सिता बि .क,प्युठान /
प्युठान नगरपालिका ४ का अध्यक्ष लक्ष्मी प्रकाश राजभण्डारीले अर्गानिक बिधीबाट तरकारी उत्पादन गरि नमुना उद्घमि बन्न आग्रह गर्नुभएको छ । रासायनिक मल र बिषादी प्रयोग गरिएको तरकारीले उपभोक्ता र बाताबरणमा ठुलो असर पुराइरहेकोले प्राकृतिक जिबनासक औषधी र प्राङगारिक मलको प्रयोग गरि उत्पादित तरकारी हो होईन ल्याब परिक्षण सफल भएमा ब्यबसायिलाई आर्थिक सहयोग समेत ब्यबस्था गर्ने राजभण्डारिले बताउनुभयो।
प्युठान नगरपालिका ४ को आर्थिक सहयोग तथा ग्रामिण आर्थिक बिकास मंच खलंगाको आयोजनामा ढाडमुङ्राबासिलाई प्रदान गरिएको ५ दिने ताजा तरकारी उत्पादन सम्बन्धि तालीमको उद्घाटनको क्रममा यस्तो बताइएको हो।
तालिमको औचित्य बारे प्रकाश पार्दै सस्थाकी सदस्य कृष्णमाया रिजालले अहिलेको समय उत्पादन को रहेकाले उत्पादन र उद्घमशिलता बिकासमा अगाडी बढ्न सकेमा मात्र आर्थिक समृद्धि कायम हुन सक्ने बताउनुभयो। रिजालले भन्नुभयो “-स्थानीय तहले अबका दिन देखी मेडेप मोडेल बाट काम थालनी गर्नुपर्ने अपरिहार्य छ ,यसको सुरुवात ४ न वडाले गरेकोमा वडालाई धन्यवाद छ।”
अहिले सम्मको ब्यबसाय परम्परागत र निर्बाहमुखी मात्र भएको भन्दै अब आधुनिक प्रबिधि संगै ब्यबसायमुखी बन्नुपर्ने उद्दम बिकास सहजकर्ता शारदा बि क ले बताउनुभयो ।
तालीम लिए पस्चात ब्यबासाय सन्चालन गर्नुस ,उत्पादित तरकारीको बजार माग नभएको छैन, जिल्लामा उत्पादन नभएकाले बाहिर बाट आयात गर्नु परेको बि. क ले बताउनुभयो ।
१३ जनाको सहभागिता रहेको तालिमको प्रशिक्षण इश्वरी प्रसाद पण्डितले गर्नुहुने छ।
