(सागर थापा)
दाङ । जिल्ला प्रहरी कार्यालय दाङले जुवाको खालबाट ८ जनालाई नियन्त्रणमा लिएको छ । घोराही उपमहानगरपालिका वडा नं. ८ सेवारबाट ६४ हजार तीनसय नगद रुपैया, पाँच थान गड्डी तास र एउटा गलैचा सहित उनीहरुलाई नियन्त्रणमा लिएको जिल्ला प्रहरी कार्यालय दाङका प्रहरी प्रवक्ता डिएसपी मुकुन्द रिजालले जानकारी दिए । हारजित हुने गरी जुवा खेलिरहेको भन्ने बिशेष सूचनाको आधारमा प्रहरी टोलीले उनीहरुलाई शुक्रबार नियन्त्रणमा लिएको हो ।
पक्राउ पर्नेमा घोराही उपमहानगरपालिका वडा नं. ८ का २८ बर्षीय तिलक वली, सोही ठाउँका ३५ बर्षीय शरद रावत, बर्ष ३० का समिर खड्का, बर्ष ३५ का सुरेन्द्र चौधरी, बर्ष २१ का यादव राना, बर्ष ४४ का शिवु रावत, बर्ष ४० का रमेश वली र जुवा खेलाउने घरधनी सुरेन्द्र सेनजुवा रहेका छन् । पक्राउ परेकाहरुको बारेमा थप अनुसन्धान भई रहेको प्रहरी प्रबक्ता डिएसपी रिजालले जानकारी दिए।
