(महेन्द्र सिंह)
बाँके । जिल्ला ट्राफिक प्रहरी कार्यालय बाँकेले कोहलपुरका बिधार्थीहरुलाई सुरक्षित यात्रा अभियान-ट्राफिक सचेतना कक्षा कार्यक्रम गरेको छ।
ट्राफिक प्रहरीले दुर्घटना न्यूनीकरणका लागि कोहलपुर १० मा रहेको तक्षशिला एकेडेमी आज उक्त कार्यक्रम गरेको हो । जिल्ला ट्राफिक प्रहरी बाँकेका प्रहरी सहायक निरिक्षक बिष्णु न्यौपानेले एकेडेमीका १२० जना बिधार्थीहरुलाई ट्राफिक ऐन नियम,सुरक्षित यात्रा अभियान र सवारी दुर्घटना न्यूनीकरण सम्बन्धि जनचेतनामूलक सन्देश झल्किने प्रशिक्षण दिएका थिए।
ट्राफिक प्रहरीले थालेको दुर्घटना न्युनिकरण लगायत सुरक्षित यात्रा अभियान अन्तर्गत बस चालक, सर्बसाधारण लगायत बिधार्थीहरुलाई समेत प्रशिक्षण दिदै आएको प्रहरी सहायक निरिक्षक न्यौपानेले बताए। अहिलेको बर्तमान समयमा सुरक्षित यात्रा अभियान-ट्राफिक सचेतना कक्षा कार्यक्रम बिधार्थीहरुका लागी अति आबश्यक रहेको प्रहरी सहायक निरिक्षक न्यौपानेले बताए।
त्यस्तै बिधार्थीहरुले पनि सुरक्षित यात्रा अभियान-ट्राफिक सचेतना कार्यक्रमबाट अब ट्राफिक नियमको पालना गरी यात्रा गर्ने बताए।
