११ जेठ २०८३, सोमबार
25-05-2026 , Mon
×

सरकारले दूध ढुवानी गर्ने गाडीलाई छुट्टै लोगो लगाउन निर्देशन…

Logo
प्रकाशित सोमबार, चैत्र ०२, २०७७

ABC Sanchar
काठमाडौं । सरकारले एम्बुलेन्सजस्तै दूध ढुवानी गर्ने गाडीलाई निर्बाध रूपमा चलाउन छुट्टै पहिचान चिह्न (लोगो) प्रदान गर्ने भएको छ ।

यसरी दूध ढुवानी गर्ने गाडीलाई छुट्टै लोगो प्रदान गर्ने पहिलो देश नेपाल हुनेछ ।
कृषि तथा पशुपन्छी विकास मन्त्रालयअन्तर्गत रहेको राष्ट्रिय दुग्ध विकास बोर्डका कार्यकारी निर्देशक डा. राजेन्द्रप्रसाद यादवले दूध ढुवानी गर्ने गाडीलाई विश्वमा कुनै पनि देशले छुट्टै लोगो प्रदान नगरेको भन्दै नेपाल पहिलो हुने बताए ।

उनका अनुसार त्यस्तो लोगो पाएका दूध ढुवानी गर्ने साधनलाई एम्बुलेन्स जस्तै कसैले पनि रोक्न सक्दैन । बन्द, हड्ताल, बन्दाबन्दीलगायतको अवस्थामा दूध ढुवानी अत्यावश्यक वस्तुमा परे पनि विभिन्न बहानामा तिनमा रोकावट भइरहेको हुन्छ ।

अनावश्यक रोकावटका कारण दूधमा निकै क्षति हुने गरेको भन्दै कृषि तथा पशुपन्छी विकास मन्त्रालयअन्तर्गत रहेको राष्ट्रिय दुग्ध विकास बोर्डले दूध ढुवानी गर्ने गाडीलाई कसैले रोक्न नसक्ने गरी पहिचानका लागि लोगो तयार गरेको छ ।

बोर्डका कार्यकारी निर्देशक यादवले दूध ढुवानी गर्ने गाडीको छुट्टै पहिचान नभएकाले बिनाकारण विभिन्न ठाउँमा रोकावट हुने गरेको र त्यसले गर्दा दूध समयमा नपुग्दा बिग्रिने र क्षति हुने गरेको बताए । गोरखापत्र दैनिकबाट

कमेन्ट गर्नुहोस्
सम्बन्धित
नेपालगन्जमा फिरोजमाथि सांघातिक आक्रमण गर्ने आरोपीहरु तत्कालै बाँके प्रहरीद्वारा पक्राउ,

बाँके । नेपालगन्ज आक्रमणको जाहेरी परेको केही समयमै *बाँके प्रहरी*ले सक्रियता देखाएर आरोपीलाई पक्राउ गरेको छ। प्रहरीको तीव्र कारबाहीले घटनामा संलग्न व्यक्तिलाई तुरुन्त नियन्त्रणमा लिन सफल भएको हो। सांघातिक आक्रमणको कारण र पीडितको अवस्थाबारे प्रहरीले थप अनुसन्धान गरिरहेको छ। बाँके प्रहरीले यस्ता हिंसात्मक घटनामा शून्य सहनशीलताको नीति अपनाउँदै आएको छ।
मनोजकुमार यादव ६ महिना २२ दिन घर्संदै काठमाडौं पशुपतिनाथ मन्दिर आइपुगे,

काठमाडौं । भारतको बिहार राज्यका मनोज कुमार यादव घर्संदै नेपाल आइपुगेका छन् । धार्मिक आस्था र संकल्पका साथ यात्रा सुरु गरेका यादव आइतबार, जेठ १० गते काठमाडौंस्थित पशुपतिनाथ मन्दिर पुग्न सफल भएका हुन् । भारतबाट नेपालसम्मको यात्रा शरीर घर्संदै पूरा गरेका यादवलाइ यो कठिन यात्रा पूरा गर्न पुरै ६ महिना २२ दिन लागेको उनले बताए […]
सुधन गुरुङको गृह मन्त्रीमा फर्कने खबर अहिले पुष्टि भएको छैन,

*वास्तवमा के भएको हो:* *राजीनामा*: सुधन गुरुङले २ अप्रिल २०२६ मा गृह मन्त्रीबाट राजीनामा दिएका थिए। शेयर कारोबार र विवादास्पद व्यवसायी दीपक भट्टसँगको सम्बन्धको विषयमा प्रश्न उठेपछि उनले निष्पक्ष छानबिनका लागि आफैं राजीनामा दिएका थिए। – *हालको अवस्था*: राजीनामा स्वीकृत भएपछि प्रधानमन्त्री बालेन शाह आफैंले गृह मन्त्रालयको जिम्मेवारी सम्हालिरहेका छन्। – *छानबिन समिति*: तिमीले भनेको […]

error: Content is protected !!