ABC Sanchar
दाङ । घोराही सिमेन्ट उद्योगको प्रदुशनबारे चैत ९ गते उपस्थित हुन विपक्षिको नाममा आदेश 1
तुलसीपुर, चैत ६ । दाङ घोराहीस्थित सगरमाथा सिमेन्ट उद्योगको प्रदुशन सम्बन्धि छलफलका लागि चैत ९ गते उपस्थित हुन बिपक्षीहरुका नाममा उच्च अदालत 
तुलसीपुरले आदेश जारी गरेको छ । शुक्रवार उच्च अदालत तुलसीपुरकी मुख्य न्यायाधीश नीता गौतम दिक्षितको एकल इजलाशले स्थानीय र सिमेन्ट उद्योगका बीचमा भएको संझौता अनुरुप उद्योग र त्यसका छलफलका लागि उपस्थित हुन आदेश गरेको हो । 
घोराही सिमेन्ट उद्योगको प्रदुशनबारे चैत ९ गते उपस्थित हुन विपक्षिको नाममा आदेश 2
२०७२ साल जेठ ३२ गते स्थानीय र उद्योग सञ्चालकका बीचमा धुँवा, धुलो र ध्वनी प्रदुशन नियन्त्रण बारे सम्झौंता भएको थियो । सोही संझौंता अनुसार सञ्चालकलाई धुँवा, धुलो र ध्वनी प्रदुशनका लागि हालसम्म भएका कामका बारेमा सबै बिवरणका लागि उपस्थित हुन आदेश भएको अदालतका सूचना अधिकारी भूपाल भण्डारीले जानकारी दिए ।
घोराही सिमेन्ट उद्योगको प्रदुशनबारे चैत ९ गते उपस्थित हुन विपक्षिको नाममा आदेश 3
घोराही सिमेन्ट उद्योगको प्रदुशनबारे चैत ९ गते उपस्थित हुन विपक्षिको नाममा आदेश 4
अदालतले प्रमुख जिल्ला अधिकारी र जिल्ला प्रशासन कार्यालयलाई बाटोको म्याद बाहेक १५ दिन भित्र निवेदनको माग बमोजिमको आदेश किन जारी हुनु नपर्ने हो ? भन्ने बारेमा उच्च सरकारी वकिलको कार्यालय तुलसीपुर मार्फत उपस्थित हुन आदेशपनि गरेको सूचना अधिकारी भण्डारी बताए ।
घोराही सिमेन्ट उद्योगको प्रदुशनबारे चैत ९ गते उपस्थित हुन विपक्षिको नाममा आदेश 5
जसमा बिपक्षीको माग बमोजिम आदेश जारी हुनु नपर्ने कुनै आधार वा कारण भए पेश गर्न भनिएको छ ।
त्यस्तै अन्य बिपक्षीहरु जिल्ला समन्वय समितिको कार्यालय र त्यसका प्रमुखका हकमा आँफै वा आफ्नो कानुन व्यवसायी मार्फत लिखित जबाफ पेश गर्न आदेश दिइएको छ ।
