तेज वली
तुलसीपुर । दाङ घोराही सिमेन्ट ईण्डस्ट्रिज प्रालिद्वारा उत्पादित सगरमाथा सिमेन्ट उद्योगलाई वातावरणमा प्रतिकूल असर पार्ने कार्यहरुलाई नियन्त्रण गर्न उच्च अदालत तुलसीपुरले अन्तरिम आदेश गरेको छ । धुलो धुवाँको प्रदुषणका कारणले वातावरण, स्वास्थ्य, प्रजनन र खाद्य अधिकारमा असर पारेको भनि परेको रिटमा सुनुवाई गर्दै सोमबार उद्योगलाई यस्तो आदेश गरेको हो ।
उच्च अदालत तुलसीपुरका मुख्य न्यायाधीस नीता गौतम दीक्षित र न्यायाधीस रमेशराज पोखरेलको ईजलासले उद्योगले तत्काल व्याग फिल्टर, इलेक्ट्रिोस्टेटिक प्रेसिडेटर, वीन्ड व्रेकिङ वाल जस्ता कार्यहरु तत्काल व्यबस्थित गर्न गराउन आदेश गरेको छ । त्यस्तै खोपानीको स्रोतलाई खलवल नपु¥याउने गरी खानेपानीको व्यबस्थापन गर्नु र सडकमा धुलो नउड्ने गरीपानीको पोहरा व्यबस्थापन समेत तत्कालन गराउनु भनी आदेश गरेको छ ।
निवेदकले उद्योगको क्षमता बृद्धिको कार्य तत्काल नगराउन भनि रिट दायर गरेका थिए । तर, यो विषय उद्योग मन्त्रालय तथा विभाग र जनसंख्या तथा वातावरण मन्त्रालय र विभागको क्षेत्राधिकार पर्ने भएकाले अदालतले कुनै आदेश दिएको छैन् । मन्त्रालय तथा विभागले आबश्यक प्रक्रिया अबलम्बन गरी कानुनले निर्धारण गरेको मापदण्ड पुगे नपुगेको हेरी उद्योगको क्षमता बृद्धि गर्ने नगर्ने सम्बन्धमा निर्णय गर्न सक्ने अदालतको ठहर छ ।
घोराही सिमेन्ट उद्योगले पछिल्लो पटक ३ हजार टन उत्पादन क्षमता बृद्धि गरेको छ । निवेदको तर्फबाट अधिबक्ता शुरेस कुमार गौतम, मुकुन्द बहादुर राना, मणिराज आचार्य, बसन्त गौतम, बलबहादुर चन्दले बहस गरेका थिए, भने विपक्षीको तर्फबाट रेवतिरमण भट्टराई, रमण श्रेष्ठ, विमल प्रसाद ढकाल भुपबहादुर केसी र प्रकाश रेग्मीले वहस गरेका थिए ।
अदालतको आदेशपछि निवदेक पक्षले तुलसीपुरमा पत्रकार सम्मेलन गरि अदालतको आदेश सकारात्मक भएको बताएका थिए । उद्योगको लापरवाहीका लागि नागरिकको स्वास्थ्यमा प्रतिकूल असर परेको भन्दै यसलाई तत्काल व्यबस्थापन गर्नुपर्ने स्थानीयले माग राख्दै आएका छन् ।
