(महेन्द्र सिंह)
बाँके । ईलाका प्रहरी कार्यालय जमुनाह प्रहरीले ब्राउन सुगरसहित नाकाबाट एकजना पक्राउ गरेको छ । जमनाह प्रहरी प्रमुख विष्णु गिरीका अनुसार नेपालगन्ज उपमहानगरपालिका १९ बस्ने प्रेम कोरीलाई नौ सय मिलि ग्राम ब्राउन सुगर सहित प्रक्राउ गरिएको हो ।
भारतबाट नेपाल आउँदै गरेका उनको गतिबिधि देखिएपछि चेकजाँच गरिएको थियो । प्रहरी जवान रविन सुनारले खानतलासी गर्ने क्रममा जिनको पाइन्टको दाइने गोजीमा राखेको अवस्थामा ब्राउन सुगर फेला हो ।
लागुऔषध नियन्त्रणका लागि व्यूरो र जमुनाह प्रहरीले संयुक्तरुपमा नाकामा चेकजाँच र अनुसन्धानलाई तीब्र कडाइ बनाएको थियो । जमुनाहबाट नियन्त्रणमा लिइएका व्यक्तिलाई इलाका प्रहरी कार्यालय जमुनाहमा राखिएको छ । थप अनुसन्धानका लागी जिल्ला प्रहरी कार्यालय बाँके पठाउने तयारी भइरहेको जमुनाहका प्रहरी प्रमुख गिरिले जानकारी दिएका छन ।
