ABC (क्राईमबिट)
काठमाडौं । गृह सचिव महेश्वर न्यौपानेले सशस्त्र प्रहरी हेडक्वार्टरबाट भर्चुअल माध्यम मार्फत देशभरका सशस्त्र प्रहरीका युनिट प्रमुखहरुलाई निर्देशन सम्वोधन गरेका छन् ।
बिहीबार बाहिनीपति, गणपति र तालिम शिक्षालयका इन्चार्जलाई न्यौपानेले अवैध चोरी, पैठारी तथा निकासी नियन्त्रण गर्न निर्देशन दिएका हुन् । सीमा तथा सीमा वारपार हुने अपराध नियन्त्रण र राजस्व संकलनमा सहयोगी भूमिका निर्वाह सशस्त्र प्रहरीका अधिकृतहरूलाई निर्देशन दिए ।
‘सीमामा खटिएर काम गर्दा इमान्दार र व्यवसायिक भएर काम गरेमा वृत्ति विकासमा पनि योगदान पुग्छ’ न्यौपानेले भने,‘विपद् व्यवस्थापनमा सशस्त्र प्रहरी बलका कर्मचारीहरुले देखाएको तत्परता प्रशंसनीय छ ।’
सशस्त्र प्रहरी महानिरीक्षक शैलेन्द्र खनालले भ्रष्टाचारमा शुन्य सहनशीलताको नीतिलाई कडाइका साथ कार्यान्वयन गर्न निर्देशन दिएका छन् ।
