(महेन्द्र सिंह)
जिल्ला प्रहरी कार्यालय बर्दियाले सम्पूर्ण जिल्ला बासीमा होलीमा सार्वजनिक कार्यक्रम नगर्न आग्रह गरेको छ । घर–परिवारमा मात्रै होली खेल्न आग्रह गर्दै बर्दिया प्रहरीले होलीको नाममा कुनैपनि सार्वजनिक कार्यक्रम आयोजना नगर्न आग्रह गरेको छ । 
चैत १६ मा तराईका जिल्लामा होली मनाईदै छ । घरको छत, बरन्डा र झ्यालबाट जबर्जस्ती पिच्कारी र लोला हानेमा कानुनी कारवाही गरिने जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीले एबिसी संचारलाई बताए । सडकमा हिँडेका मानिसलाई इच्छा विपरित अवीर नदल्न प्रहरीले आग्रह गरेको छ । जिल्ला प्रहरी कार्यालय बर्दियाले एक विज्ञप्ति सूचना मार्फत भनेको छ। ‘कोरोना संक्रमण बढ्नेतर्फ सचेत रहँन सबै आम नागरिकलाई एसपी कार्कीले अनुरोध गरेका छ्न ।’
