(रबी वर्णवाल)
वीरगञ्ज । स्वतन्त्र समाज नेपालको आयोजनामा वीरगञ्जको घण्टाघरमा खुल्ला रक्तदान कार्यक्रम सम्पन्न भएको छ । 
संस्थाका सचिब रबी वर्णवालको संयोजकत्वमा सम्पन्न कार्यक्रममा १ जना महिलासहित ६५ जनाले रक्तदान गरेको रक्तसञ्चार केन्द्र वीरगञ्जका प्राविधिक प्रमुख सौरभराज पाण्डेले जानकारी दिए ।
वीरगञ्ज महानगरपालिकाको सहआयोजकमा भएको कार्यक्रममा वीरगञ्ज महानगरपालिकाक उपप्रमुख शान्ती कार्की, सशस्त्र प्रहरी उपरिक्षक राजेन्द्र खड्का, जिल्ला ट्राफिक प्रहरी कार्यालय पर्साका प्रमुख प्रहरी निरिक्षक सुमन कार्की, ग्रिनसिटि सामुदायिक सेवा केन्द्र आदर्शनगरका अध्यक्ष जयप्रकाश खेतान, सामाजिक अभियानता प्रकाश थारु, युवा अभियानता दिलिपराज कार्की, संस्थाका अध्यक्ष कन्हैयालाल झाको लगायतको उपस्थिती रहेको संस्थाका सहसचिब नितेश वर्णवालले जानकारी दिए ।
कार्यक्रममा ट्राफिक प्रहरी निरिक्षक सुमन कार्की, अनिल प्रसाद गुप्ता, जित वर्णवाल, निरन्जन राउत, अभिषेक पटेल, भोला प्रसाद यादव, राहुल तामांग, विवेक लामिछाने, बिकास चौधरी लगायतले रक्तदान गरेका थिए । सहसचिब वर्णवालका अनुसार संस्थाका सचिब रबी बर्णवाल, सदस्यहरु अबिनाश गुप्ता, रुपल जैसवाल, राजन श्रेष्ठ, बर्खतअली खाँ, कबिर सर्राफ, प्रभु हस्पिटलका प्रतिमा कार्की र अनिल पटेल लगायतले कार्यक्रममा प्राविधिक सहयोग गरेका थिए ।
सो अवसरमा नेशनल गेम करातेमा पर्सा जिल्लाबाट प्रथम र द्वितिय स्थान हाँसिल गरेका २ जना कराते खेलाडीहरुलाई पनि सम्मान गरिएको थियो । संस्थाले यसअघि पनि कोभिड १९ को महामारीबाट बच्नका निम्ती नागरिकलाई सचेतना फैलाउँदै आएको थियो ।
साथै आगामी दिनमा पनि अन्य जनचेतनामुलक कार्यक्रम गर्ने योजना रहेको संस्थाका सचिब रबी वर्णवालले बताए । कार्यक्रमको सहजिकरण रायन कायस्थले गरेका थिए ।
