(रवि वर्णवाल)
वीरगञ्ज । पर्सा प्रहरीले बेवारिसे अवस्थामा रहेको एउटा गाडी बरामद गरेको छ ।
वडा प्रहरी कार्यालय श्रीपुरबाट खटिएको प्रहरी टोलीले वीरगञ्ज महानगरपालिका वडा नम्बर १४ बाट नम्बर प्लेट नभएको सुजुकी कम्पनीको कार बरामद गरेको जिल्ला प्रहरी कार्यालय पर्साले जनाएको छ ।
भारतीय कार चोरी पैठारी गरी पर्सा जिल्लाको ग्रामीण क्षेत्रहरुमा चलाइरहेको भन्ने सूचना पाएको आधारमा प्रहरीले कारवाहीको सिलसिलामा उक्त कार बरामद गरेको जनाएको छ ।
बेवारिसे अवस्थामा रोकिराखेको कारको हक दाबी गर्न कोही पनि नआएकाले आवश्यक कारवाहीको लागि बरामद कार बुधबार नै वीरगञ्ज भन्सार कार्यालयमा बुझाइएको जिल्ला प्रहरी कार्यालय पर्साका प्रवक्ता एवम् प्रहरी नायव उपरिक्षक ओम प्रकाश खनालले बताए ।
