(ABC-Sanchar)
दाङ । लमही नगरपालिका वडा नम्बर ६ स्थित मध्यनगरको राप्ती घाटमा ठूलो मात्रामा फालिएका म्याद गुज्रिएका पेय पदार्थहरु ब्यवस्थापन गरिएको छ । देउखुरी उधोग वाणिज्य संघका अध्यक्ष खगेश्वर खनाल, उपाध्यक्ष केशबराज पोख्रेल, वडा प्रहरी कार्यालय लमही, वडा नम्बर ६ का वडाध्यक्ष गणेशमान चौधरी, सदस्य कृष्ण बहादुर खत्री लगायतको रोहबरमा ती सामाग्रीलाई खाल्डो खनेर पुरिएको हो ।
पहेलो रङ्ग को फ्रेस, कालो कलरको कोल्ड कोला, हरियो कलरको माचो ड्यु लगायतका ढाई सय र पाँच सय एमएलको पेय पदार्थ राप्तीको तिरमा फालिएको थियो ।ती पेय पदार्थ कस्ले कहाँ बाट लिएर फाल्यो भन्ने कुराको कुनै जानकारी छैन । म्याद गुज्रिएका पेय पदार्थमा मनकामना फ्रुट एन्ड वेभरेज प्राइभेट लिमिटेड अर्जुन धारा ५ झापा उल्लेखित छ ।
