(सर्मिला बोगटी)
धनगढी । कर्णाली नदीमा स्कारपियो गाडी खस्दा दुई जना बेपत्ता भएका छन् भने तीन जना बालक घाईते घएका छन्। जिल्ला पैहरी कार्यालय कैलालीका अनुसार मोहन्याल गाउँपालिका ७ बाँकामा चिसापानी देखि सोल्टा जाने कच्ची सडक खण्डमा नम्बर नखुलेको जिप सडकमा ब्याक गर्ने क्रममा सडकबाट करीव ३ किमी उत्तरस्थित सडकखण्डबाट तीन सय मिटर तल कर्णाली नदीमा खसेको हो।
जिल्ला प्रहरी कार्यालय कैलालीका प्रहरी प्रमुख एसपी विश्व अधिकारीले स्कारपियोमा पाँच जना सवार रहेकोमा तीन जना बालबालिका सडकबाट सय मिटर तल खसेको अवस्थामा पाईएको र अन्य दुई जना गाडी सहित नदीमा खसेको बताए ।
गाडीमा डोटीको आर्दश गाँउपालिकाका चन्द्र जोशी, रुपी जोशी, लक्ष्मी जोशी, भुवन जोशी, र सावित्री जोशी सवार रहेको जिल्ला प्रहरी कार्यालय कैलाली जानकारी दिए। नदीमा खस्दा चन्द्र जोशी, रुपी जोशी वेपत्ता भएका छन् भने तीन बालबालीकाको अवस्था जटिल रहेकोले तीनै जनालाई नेपालगञ्ज लगिएको कैलाली प्रहरीले जनाएको छ।