(सर्मिला बोगटी)
बर्दिया । प्रहरीले लागुऔषध ब्राउन सुगरसहित एक जनालाई पक्राउ गरेको छ ।
राजापुर नगरपालिका–३ उत्तर टेडिया स्थित मुरैया टेडिया सडक खण्डबाट प्रहरीले एकलाई नियन्त्रणमा लिएको हो । गेरुवा गाउँपालिका–६ बेलभरिया बस्ने २९ वर्षिय रबीन थारु पक्राउ परेका हुन् ।
थारु शंकास्पद रुपमा से.१ प ७८१४ नम्बरको मोटरसाईकल चलाई आउँदै गर्दा प्रहरीले चेकजाँच गरेको हो । प्रहरीले चेकजाँच गर्दा ४ सय ५० मिलिग्राम लागु औषध ब्राउन सुगर फेला पारेको हो ।
ईलाका प्रहरी कार्यालय राजापुरबाट खटिएको प्रहरी टोलीले थारुलाई नियन्त्रणमा लिएको हो । प्रहरीले थारुलाई पक्राउ गरी अनुसन्धान गरीरहेको जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीले बताए ।
