(सागर थापा)
प्यूठान । चितुवाको छालासहित प्यूठानबाट तीन जना पक्राउ परेका छन् । बुधबार राती करिब ११ बजे प्यूठान नगरपालिका – ८ बाग्दुलामा रहेको एक होटलबाट तीनजनालाई पक्राउ गरिएको जिल्ला प्रहरी कार्यालय प्यूठानले जनाएको छ ।
पक्राउ पर्नेमा प्यूठानको झिमरुक गाउँपालिका – १ बस्ने २९ बर्षीया अविनास पुन, सरूमारानी गाउँपालिका – १ बाङ्गेसाल बस्ने ३२ बर्षीया छबिलाल परियार र दाङको राजपुर गाउँपालिका -१ बस्ने २८ बर्षीया ईन्द्र बहादुर खड्का रहेको जिल्ला प्रहरी कार्यालय प्यूठानका प्रवक्ता प्रहरी निरीक्षक देवीप्रसाद गैरेले जानकारी दिनुभयो ।
चितुवाको छालाको कारोवार भईरहेको सूचनाको आधारमा लुम्बिनी प्रदेशको अनुसन्धान टोली र ईलाका प्रहरी कार्यालय बिजुवारबाट खटिएको संयुक्त प्रहरी टोलीले उनीहरु बसेको होटलमा खानतलासी गर्दा चितुवाको छाला सहित उनिहरुलाई पक्राउ गरेको प्रहरी निरिक्षक गैरेले बताउनुभयो ।
उनीहरूको साथबाट ६ फिट ६ इन्च लम्बाई र २ फिट २ ईन्च चौडाई भएको एक थान चितुवाको छाला बरामद भएको प्रहरीले जनाएको छ । पक्राउ परेकाहरूलाई आवश्यक कारबाहीका लागि डिभिजन वन कार्यालय प्यूठानमा बुझाइएको छ । लुम्बिनी प्रदेश प्रहरी कार्यालय दाङबाट
