ABC (क्राईमबिट)
पोखरा । गण्डकी प्रदेश प्रहरी प्रमुख प्रहरी नायव महानिरीक्षक (डीआईजी) दिवेश लोहनीले प्रहरी चौकी धमिलिकुवा लमजुङको नव-निर्मित भवनको शुक्रबार उद्घाटन गरेका छन् ।
नेपाल सरकारको नियमित बजेटबाट लमजुङ जिल्लाको राईनस नगरपालिका-०६ धमिलिकुवामा निर्माण सम्पन्न उक्त प्रहरी चौकीमा प्रहरी कार्यालय भवन, मेस, ब्यारेक लगायतका भवनहरु निर्माण गरिएको हो । उद्घाटन पश्चात प्रडीआईजी लोहनीले उक्त भवनको निरीक्षण तथा अवलोकन समेत गरे ।
कार्यक्रमलाई सम्बोधन गर्दै डीआईजी लोहनीले प्रहरी आम नागरिकका समस्या समाधनका लागि खटिने जिम्मेवार निकाय भएकाले उच्च व्यवसायीकता प्रदर्शन गर्दै आम नागरिकका गुनासो एवं पिरमर्कालाई सम्बोधन गर्ने गरी शिष्टता र नम्रताका साथ नागरिक मैत्री प्रहरी सेवा प्रवाह गर्न गराउन कार्यरत प्रहरी कर्मचारीहरुलाई निर्देशन दिए ।
उक्त कार्यक्रममा राईनस नगरपालिकाका मेयर सिंह बहादुर थापा, गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक नर बहादुर के.सी., लमजुङका प्रमुख जिल्ला अधिकारी होम प्रसाद लुईटेल, जिल्ला प्रहरी कार्यालय लमजुङ प्रमुख प्रहरी नायव उपरीक्षक कृष्ण बहादुर कार्की, स्थानीय जनप्रतिनिधि लगायत आम नागरिकको उपस्थिति रहेको थियो ।नेपाल पुलिसबाट
