ABC (क्राईमबिट)
बिरगंज । २०७० जेठ २६ गतेदेखि फरार पर्साको साविक मिर्जापुर गा.वि.स वडा नम्बर ९ र हालको परिवर्तित छिपहरमाई गाउँपालिका वडा नम्बर १ मिर्जापुर निवासी ५१ वर्षीय रामेश्वर महतोलाई छिपहरमाई गाउँपालिका वडा नम्बर ५ इलाका प्रहरी कार्यालय पोखरियाबाट खटिएको टोलीले पक्राउ गरेको हो ।
आफ्नै घरमा रहेको शौचालय पछाडी परालमा छोपी लुकाई छिपाई राखेको अवस्थामा ३६ वटा प्याकेटमा भएको १८ किलो लागु औषध चरेश बरामद गरेको मुद्धामा वारदात पश्चात महतो फरार रहेका थिए ।
यसैबिच अन्य ५ जना फरार प्रतिवादीलाई पनि प्रहरीले पक्राउ गरेको छ । इलाका प्रहरी कार्यालय एकटाँगाबाट खटिएको टोलीले सवारी ज्यान मुद्दाका फरार प्रतिवादीहरु पर्साको सखुवाप्रसौनी गाउँपालिका वडा नम्बर १ बस्ने ३५ वर्षीय अनिल सहनी, सोही ठाउँका ४० वर्षीय किशोर सहनी र ५० वर्षीय भरत सहनीलाई पक्राउ गरेको हो ।
त्यसैगरी लागु औषध चरेश मुद्दाका फरार प्रतिवादी पर्साको छिपहरमाई गाउँपालिका वडा नम्बर १ निवासी ५२ वर्षीय शेखर महतोलाई पक्राउ गरेको पर्साका प्रहरी प्रवक्ता एवम् प्रहरी नायब उपरीक्षक ओमप्रकाश खनालले बताए ।
