ABC (क्राईमबिट)
दाङ । कैलालीमा एक युवकको बिभत्स हत्या भएको छ । कैलालीको जानकी गाउँपालिका वडा नं. ९ का २५ वर्षीय अरुण दासको शब टाउको छिनालेको अवस्थामा फेला परेको छ । उनलाई नाँगै पारि हातहरु पछाडि रुखमा बाँधिएको अवास्थामा जंगलमा शव फेला परेको छ ।
शब रुखमै बाँधेको अवस्थामा घाँटी रेटेर टाउको छिनाली नजिकै भूइमा राखेको अवस्थामा शनिबार फेला परेको जिल्ला प्रहरी कार्यालय कैलालीले जानकारी दिएको छ ।
जानकी गाउँपालिका वडा नं. ९ को अमरावती सामुदायिक वनमा नग्न बनाई दासको बिभत्स रुपमा हत्या गरिएको अवस्थामा शब फेला परेको प्रहरीले जानकारी दिएको छ ।
प्रहरीका अनुसार भारत आउजाउ गर्ने दास उनको हत्या भएको दिन साथीसंग घुम्न जाने भनेर घरबाट निस्किएका थिए । यसैबीच फरककोणलाई प्राप्त अडियोमा दासको बिभत्स हत्यामा संलग्न केही युवाहरुले आफुहरुले उनको टाउको छिनालेर हत्या गरेको कुरा फोनमा गरेका छन् ।
‘ हामीले उस्लाई टप्काई दिइम,’ एकजनाले भनेका छन् ‘ उस्को टाउको शरिरदेखि छिनोर अलग पारेका छौंैं।’ त्यो फोन सम्बादमा उनीहरुले आँफुहरु बंैङलोर जान थालेको र रुपैडिहामा रहेको बताएका छन् । ‘उस्को बाकस थियो र हामीले उस्लाई टप्काई दिइम,’ फोनमा बोल्ने ती युवकले भनेका छन् ।
घटनामा संलग्न ब्यक्तिहरुको खोजी तीब्र परिएको प्रहरीले जनाएको छ । टिकापुरका २३ वर्षीय भुपेन्द्र बडुवालको हत्या प्रकरण सेलाउन नपाउँदै अर्कौ विभित्स हत्या हुनुले त्यहाँँको शान्ति सुरक्षाको अवस्था बारे चिन्ताहरु गर्न थालिएको छ ।
