ABC (क्राईमबिट)
दाङ । घोराहीमा एक अटो चालकले यात्रुले छोडेर गएको ७ लाख रुपैयाँ नगद फिर्ता गरेका छन् । घोराही उपमहानगरपालिका वडा नम्बर १५ बस्ने राजकुमार बुढा मगरले साेमवार बैंकबाट पैसा निकालेर घर (पनौरा) जाने क्रममा रा १ ह २२१२ नम्बरको अटोमा निलो रङको झोलाभित्र ७ लाख रुपैयाँ छाेड्नुभएकाे थियाे । छुटेकाे रकम अटोका चालक घोराही १५ बस्ने विष्णु रोका मगरले फिर्ता गर्नुभएकाे हो । जिल्ला प्रहरी कार्यालय दाङका प्रहरी निरिक्षक झबिन्द्र परियारको रोहबरमा छुटेकाे रकम जिल्ला प्रहरी कार्यालयले सम्बन्धित धनीलाई बुझाएकाे दाङ प्रहरी प्रमुख एसपी सुरेश काफ्लेले जानकारी दिनुभएको छ ।
