ABC-Sanchar)
बाँके । १२ देखि १७ बर्ष उमेर समूहका बालबालिकालाई लगाउन शुरु गरिएको मोर्डना खोप कार्यक्रमको नेपालगञ्जमा अनुगमन गरेर केसी नेतृत्वको टोली नरैनापुर पुगेको हो । सहायक प्रजिअ केसीसहित जिल्ला कोभिड-१९ संकट व्यवस्थापन केन्द्र बाँकेका फोकल पर्सन तेज वली र नरैनापुर गाउँपालिकाका स्वास्थ्य शाखा प्रमुख नागेन्द्र शाहको टोलीले नरैनापुरका महेन्द्र मावि र जय किसान माविमा चलेको मोर्डना खोप कार्यक्रमको अनुगमन गरेका हुन् ।
अनुगमनका क्रममा आशाजनकरुपमा बालबालिकाहरु खोप लगाउन आएको सहायक प्रजिअ केसीले बताए । साथै केसीले कोरोनाबाट बच्न अनिवार्य सबैले खोप लगाउनुपर्ने सुझाब दिनुका साथै खोप लगाएपनि सबैले अनिबार्य मास्क प्रयोग गर्नुपर्ने बताएका थिए । 
नरैनापुरमा हालसम्म १८ बर्ष माथिका ७० प्रतिशतले कोरोना विरुद्धको पहिलो डोज खोप लगाएको स्वास्थ्य शाखा प्रमुख शाहले जानकारी दिए । बाँके जिल्लामा हालसम्म ८५ प्रतिशतले पहिलो मात्रा र ५६ प्रतिशतले दोस्रो मात्राको खोप लगाइसकेको फोकल पर्सन वलीले जानकारी दिएका छन् । मोडर्ना खोप भोलीसम्म लगाइँदैछ ।
