ABC (क्राईमबिट)
दाङ । तुलसीपुर उपमहानगरपालिका वडा नं. ३ भ्युडरस्थित खाली गोठबाट आइतबार बिहान करिब ५ बजेतिर सात जनालाई पक्राउ गरेको जिल्ला प्रहरी कार्यालय दाङका प्रहरी प्रमुख एसपी सुरेश काफ्लेले जानकारी दिए ।
उनका अनुसार ती व्यक्तिहरुले मादक पदार्थ सेवन गरी पेस्टोल आकारको आगो बाल्ने लाइटरसहित धारिलो हतियार राखी स्थानीयलाई त्रसित पारेको भन्ने सूचनाको आधारमा खटिएको दाङ प्रहरीको टोलीले पक्राउ गरेको हो ।
तुलसीपुर उपमहानगरपालिका ९ निवासी २५ वर्षीय सन्तोष बस्याल, सोही वडा निवासी १६ वर्षीय मनोज विक, २३ वर्षीय पोषण ओली, १७ वर्षीय विवेक बस्नेत, २१ वर्षीय अजिल मिया, वडा नं. ६ निवासी २१ वर्षीय केतु ओली र वडा नं. ९ निवासी १८ वर्षीय मोहन बस्नेत रहेका छन् ।
त्यस्तै उनीहरुको साथबाट प्रहरीले पेस्तोल आरको लाइटर एक थान, खुडा एक थान, हाँसिया तीन थान, बन्चरो एक थान बरामद गरेको छ । साथै उनीहरुलाई नियन्त्रणमा लिई थप अनुसन्धान भइरहेको प्रहरीले बताएको छ ।
