ABC (क्राईमबिट)
बर्दिया । जिल्ला बर्दिया बारबर्दिया नगरपालिका ०२ बस्ने विशाल थापा, सोही ठाउँको बिक्रम विश्वकर्मा, सुरेन्द्र बि.क.,सागर परियार पक्राउ परेका छन ।
गत कार्तिक ५ गते राती बर्दियाको बारबर्दिया नगरपालिका –०३ बस्ने महेश चौधरीको घरबाटै भे.७ प. ६६२५ नं. को कालो रङ्गको १०२ सि.सि. को प्लाटिना मोटरसाईकल चोरी भएको थियो ।
मोटरसाइकल चोरी भएको भन्ने जानकारी प्राप्त भई उक्त मोटरसाईकल खोजतलास गर्ने क्रममा ईलाका प्रहरी कार्यालय बानियाभारबाट खटिएको प्रहरी टोलिले बिशाल थापाले चलाईरहेको भे.४ प. ३१२४ नम्बरको मोटरसाईकल चेकजाँच गर्ने क्रममा उक्त मोटरसाईकल लेखिएको नम्बरको नभई चोरी भएको भे.७ प. ६६२५ नम्बरको नै रहेको खुल्न आएपछि प्रहरीले थापालाई नियन्त्रणमा लिइएको हो । 
थापालाई नियन्त्रणमा लिएपश्चत प्रराम्भिक बयानमा सो कार्यमा आरु पनि संलग्न रहेको बताएपछि थप ३ जनालाई पक्राउ गरिएको जिल्ला प्रहरी कार्यालय बर्दियाले जनाएको छ ।
प्रहरीले पक्राउ गरी सम्मानित बर्दिया जिल्ला अदालत गुलरियाबाट चोरी सम्बन्धी कसुरमा म्याद थप गरी थप अनुसन्धान कार्य अगाडी बढाईएको छ ।
