ABC (क्राईमबिट)
धनगढी । कैलालीको भजनी नगरपालिका-६ महादेउलिस्थित सडकबाट ५ ग्राम अवैध लागूऔषध खैरो हेरोइनसहित ३ जनालाई शनिबार साँझ प्रहरीले पक्राउ गरेको छ ।
पक्राउ पर्नेहरूमा बर्गोरिया गाउँपालिका-१ बस्ने २४ वर्षीय रोहित खड्का, सोही गाउँपालिका-६ बस्ने २० वर्षीय अन्जान डंगौरा र सोही गाउँपालिका-१ बस्ने २२ वर्षीय अर्जुन चौधरी रहेका छन् ।
से.३ प ९४० नम्बरको मोटरसाइकललाई ईलाका प्रहरी कार्यालय सूर्यापुरबाट खटिएको प्रहरीले जाँच गर्नेक्रममा मोटरसाइकलमा सवार उनीहरूलाई उक्त लागूऔषध सहित फेला पारी पक्राउ गरेको हो ।
