ABC (क्राईमबिट)
काठमाडौं । सशस्त्र प्रहरीमा साधारण समूह, कानून उपसमूहतर्फका सशस्त्र प्रहरी नायब उपरीक्षक (डीएसपी) को बढुवा प्रक्रिया शुरु भएको छ । सशस्त्र प्रहरी बल प्रधान कार्यालयले रिक्त रहेको डीएसपीमा बढुवा प्रक्रिया शुरु गरेको हो ।
सशस्त्र प्रहरी नायब महानिरीक्षक (डीआईजी) नारायणदत्त पौडेलले सशस्त्र प्रहरी बलमा साधारण समूह, कानून उपसमूहको रिक्त डीएसपी पदमा बढुवाका लागि आइतबार साँझ सूचना प्रकाशित गरेका छन् ।
डीआईजी पौडेलले जारी गरेको सूचनामा साधारण समूह, कानून उपसमूहतर्फका सशस्त्र प्रहरी निरीक्षक (इन्स्पेक्टर) हरूलाई आफूले प्राप्त गरेको शैक्षिक योग्यतालगायत बढुवा प्रयोजनार्थ आवश्यक पर्ने प्रमाणपत्रको प्रतिलिपि ३ दिनभित्र मुख्यालयको बढुवा समितिको सचिवालयमा बुझाउन भनिएको छ । डीआईजी पौडेल बढुवा समितिका सदस्य सचिव हुन् ।
