काठमाडौँ– ईसेवामा बोनस रकम प्राप्त हुन्छ भनी ठगी गरेको आरोपमा दुई जनालाई प्रहरीले पक्राउ गरेको छ।
प्रकाउ पर्नेमा रौतहट माधवनारायण नगरपालिका–२ घर भइ हाल पर्सा वीरगञ्ज बस्दै आएका सुभम साह र बारा महागढिमाई नगरपालिका–१० घर भइ हाल वीरगञ्ज बस्दै आएका सर्फराज आलम रहेको प्रहरीले जनाएको छ।
उनीहरुले ईसेवामा ५० हजार रकम जम्मा गरेमा २५ हजार बोनस पाइन्छ भन्दै ईसेवाको कर्मचारी बोलेको भनी आएको फोनको विश्वासमा पारी पीडितलाई रकम जम्मा गर्न लगाएका थिए।
रकम जम्मा गरेपश्चात बोनस प्राप्त गर्नको लागि कुराकानी गर्दा विभिन्न कुराहरु गरी विश्वासमा पारी पीडितको ओटिपी प्राप्त गरेपश्चात बैंक खातामा समेत पहुँच बनाई ७ लाख २७ हजार ३ सय ४८ रुपैयाँ ठगी गरेका थिए।
ठगी गरेको भन्ने उजुरीको आधारमा महानगरीय अपराध महाशाखाबाट खटिएको टोलीले उनीहरुलाई प्रकाउ गरेको हो। ठगी गरेको रकमले टिकटकमा बिक्रीको लागी राखिएको आइफोन १३ प्रो म्याक्स १ लाख ९० हजारमा किन्ने सहमति गरी पीडितको खाताबाट सिधै मोबाइल बिक्रेताको खातामा रकम रकमान्तर गरेको र सो मोबाइल वीरगञ्जबाट पाउने गरी पठाउन लगाएको बुझिएको प्रहरीले जनाएको छ।
ठगीको रकम विभिन्न सामान किन्न अन्य व्यक्तिहरुका खातामा समेत पठाइएको पाइएको प्रहरीले जनाएको छ ।देश स
