ABC (क्राईमबिट)
काठमाडौं । सशस्त्र प्रहरी नायब महानिरीक्षक (डीआईजी) को बढुवा प्रक्रिया शुरु भएको छ । गृह मन्त्रालय रिक्त रहेको डीआईजी पदमा बढुवा प्रक्रिया शुरु गरेको हो ।
सशस्त्र प्रहरी अतिरिक्त महानिरीक्षक (एआईजी) रामशरण पौडेलले डीआईजी बढुवाका लागि शुक्रबार सूचना प्रकाशित गरेका छन् ।
एआईजी पौडेलले जारी गरेको सूचनामा पाँच दिनभित्र साधारण समूह, साधारण उपसमूह तर्फका सशस्त्र प्रहरी वरिष्ठ उपरीक्षक (एसएसपी) हरूलाई आफूले प्राप्त गरेको शैक्षिक योग्यतालगायत बढुवा प्रयोजनार्थ आवश्यक पर्ने प्रमाणपत्रको प्रतिलिपिसहित मूल्यांकन फाराम गृह मन्त्रालय, बढुवा समितिको सचिवालयमा पेश गर्न भनिएको छ । एआईजी पौडेल गृह मन्त्रालयले गठन गरेको बढुवा समितिको सदस्य सचिव हुन् ।
सशस्त्र प्रहरी नियमवाली २०७२ मा डीआईजी बढुवाका लागि गृह सचिवको अध्यक्षतामा तीन सदस्यीय समिति हुने व्यवस्था छ । जसमा गृहसचिव अध्यक्ष, सशस्त्र प्रहरी महानिरीक्षक (आईजी) सदस्य र सशस्त्र अतिरिक्त प्रहरी महानिरीक्षक (एआईजी) सदस्य सचिव रहने उल्लेख छ ।
