(महेन्द्र सिंह)
बाँके । नेपालगन्ज उपमहानगरपालिका १२ बेलासपुरबाट बेवारिसे अबस्थामा रहेको ढोका र झ्यालमा लगाउने पर्दा बरामद भएको प्रहरीले जनाएको छ।
भारतबाट भन्सार छ्ली भित्र्याइएको सो पर्दा र चम्चा वडा प्रहरी कार्यालयको टोलीले आज बेलुका साढे ५ बजे बरामद गरेको इन्चार्ज डिल्ली बहादुर खड्काले जानकारी दिनुभयो ।
पर्दा संगै प्रहरीले १८ सय पीस स्टिलको चम्चा समेत बरामद गरेको छ । बरामद गरिएको सामानको मुल्य तीन लाख हाराहारीमा रहेको इन्चार्ज खड्काले बताउनुभयो ।
प्रहरीलाई देखेपछि तस्करहरुले मोटरसाइकलबाट पर्दा र चम्चा फालेर भागेका थिए । बरामद गरिएको सामान थप कारबाहीका लागि नेपालगन्ज भन्सारलाई बुझाउने तयारीमा छ ।
