( महेन्द्र सिंह ) बाँके २०७९ बैशाख ३० गते स्थानीय तहको निर्वाचनको मिति घोषणा भएपछि राजनीतिक बृत्तमा उम्मेदवारहरुको चर्चा शुरु भएको छ । राजनीतिक दलका नेताहरुमा चुनावी सुरु हुँदा नेपालगन्ज उपमहानगरपालिकाको मेयर लगायत वडा अध्यक्ष सदस्य पदमा पनि विभिन्न व्यक्तिहरुको चर्चा सुरु भएको छ ।
त्यस्तै नेपालगञ्जको वडा नम्बर ०२ को वडा अध्यक्ष पदमा नेपाली कांग्रेस बुथासभापती तथा युवा नेता प्रदिप श्रेष्ठको वडा अध्यक्ष पदमा चर्चा सुरु भएको छ । अध्यक्ष पदका प्रबल दाबेदार उम्मेदवार बन्न सक्ने कांग्रेस नेताहरु बताउँछन् ।
युवा नेता प्रदिप श्रेष्ठ पार्टीप्रति अहोरात्र खटिँदै सामाजिक कार्यमा समेत आवद्ध छन् । श्रेष्ठले ०२ नम्बर वडाबाट अध्यक्ष पदको उम्मेदवारी आफूले पाउनुपर्नेमा कुनै शंका नभएको बताएका छन् । नेपालगन्ज उपमहानगरपालिकाकै उत्कृष्ट विकास वडा समेत भएको र अब वडानै विकास प्रेमि बनाउने उदेश्यले आफ्नो उम्मेदवारी दिने 
भएको बताए । वडामा युवाहरुको खाँचो रहेको हुँदा आफ्नो अध्यक्ष पदमा दाबी रहेको बताउँदै श्रेष्ठले यसपटक पार्टीले आफूलाई टिकट दिए अध्यक्ष पदमा विजयी हुने बताउँछन् ।
