काठमाडौं : निर्वाचन आयोगले आचारसंहिता उल्लंघन गर्नेलाई कारबाही गर्ने चेतावनी दिएको छ। बिहीबार आयोजित नियमित पत्रकार सम्मेलनमा प्रवक्ता शालिग्राम शर्मा पौडेलले आचारसंहिता उल्लंघन गर्नेहरुलाई ‘नोटिस’मा राखेको बताए।निर्वाचन आचारसंहिता उल्लंघनका घटना आयोगले ‘नोटिस’ गरिरहेको छ। सम्बन्धितलाई आयोगले पत्राचारसमेत गरिरहेको छ,’ पौडेलले भने, ‘कतिपय अध्ययन भइरहेको छ। यसमा बुझ्ने, स्पष्टता खोज्ने र त्यसपछि आवश्यक कारबाही हुन्छ।’
उनले चुनाव चिन्हको सबालमा आधिकारिक व्यक्तिले दत्खस्त गरेर दिएको अवस्थामा अरु पार्टीको चुना चिन्हबाट लड्न पाउने बताए। ‘आधिकारिक चिन्ह लिएको उम्मेदवार त्यहीँ पार्टीको हो भनेर चिनिन्छ। जुन दलको चुनाव चिन्ह लिएर लड्यो त्यो त्यहीँ पार्टीकै उम्मेदवार मानिन्छ,’ उनले भने।
त्यस्तै मुख्य निर्वाचन अधिकृत तथा निर्वाचन अधिकृत र निर्वाचन कार्यालय प्रमुखका लागि निर्वाचन सञ्चालन तथा कार्य व्यवस्थापन प्रादेशिक प्रशिक्षण सम्पन्न भएको उनले बताए। त्यस्तै प्रशिक्षण जनकपुर, बुटबल र हेटौडामा पनि आयोजना हुने उनको भनाइ थियो।
उनले निर्वाचन आचारसंहितामा योगदान पुर्याउन विभिन्न प्रदेशमा सञ्चारकर्मीलाई अभिमुखीकरण दिनेसमेत जानकारी दिए।रास्स
