ABC (क्राईमबिट)
दाङ । लमही नगरपालिका वडा नम्बर ७ हस्नापुर स्थित राप्ती घाटमा अवैध रुपमा नदीजन्य वस्तु उत्खननमा संलग्न भएका पाँचवटा टिपर र दुईवटा जेसिवी आज बिहान प्रहरीले नियन्त्रणमा लिएको छ ।
अबैधरुपमा धमाधम गरिएको उत्खनन् नियन्त्रण गर्न लमही नगरपालिकाका प्रमुख कुलबहादुर केसी लगायत टाेली स्थलगत अनुगमनमा निस्किएको बेला हस्नापुर घाटमा जेसिवीले उत्खनन् गरिरहेको र स्थानीय क्रसर उद्योगमा डम्पिङ् गरिएको अवस्थामा फेला पारेको हो ।
त्यस्तै सो ठाउँबाट उत्खनन् गर्न पालिकाले अनुमति नदिएकाे नगरप्रमुख केसीले बताउनु भयाे । उत्खननमा प्रयाेग भएका साधनका सम्बन्धित व्यक्तिहरूको पहिचान गरेर कानुनी दायरामा ल्याउन अनुसन्धान अघि बढाईएकाे उहाँको भनाई छ । लमही नगरपालिकाले यस आर्थिक वर्षमा विभिन्न ९ स्थानमा नदीजन्य बस्तु उत्खननकाे ठेक्का लगाएकाे छ । यता जिल्ला प्रहरी कार्यालय दाङका प्रहरी प्रमुख सुरेश काफ्लेले अबैध चोरी निकासी गर्ने टिप्पर र जेसिबीलाई कानुन अनुसारको कार्वाही जरिवाना गरेर छोडन मिल्ने वताए ।
