ABC (क्राईमबिट)
बर्दिया । अबैध खसी बोकासहित प्रहरीले एक जनालाई पक्राउ गरेको छ ।
पक्राउ पर्नेमा, जिल्ला सिन्धुपाल्चोक इन्द्रवती गाउँपालिका वडा नं.३ बस्ने वर्ष २६ को राज कुमार बानिया रहेका छन ।
बर्दियाको गुलरिया नगरपालिका वडा नं.६ स्थित चेकजाँच गर्ने क्रममा भारतबाट भन्सार छली चोरी पैठारी गरी ग.३ च. ४७५७ नं. को पिकअप गाडीमा ल्याउदै गरेको गाडी सहित बनियालाई प्रहरीले पक्राउ गरेको हो ।
प्रहरीका अनुसार, बरामद गरिएका ३७ जिउ अबैध खसी र बोकाको अन्दाजी मुल्य रू. ६,१७,०००÷– बराबरको रहेको छ ।
बानियालाई नियन्त्रणमा लिई आवश्यक कारवाहीको लागी राजापुर भन्सार कार्यालय गुलरिया बर्दियामा बुझाईएको जिल्ला प्रहरी कार्यालय बर्दियाले जनाएको छ ।
