(ABC=SANCHAR)
बाँके । जेठ महिनाभरी गरिएको अनुगमनमा जेम फार्मेसी, नजत फार्मेसी, सारीका मेडिकल हल र बिक्रम फार्मेसीलाई निलम्वनको कारवाही गरिएको विभागका फार्मेसी अधिकृत दिपेन्द्र कुमार साहले जानकारी दिनुभयो ।
उनका अनुसार जेम फार्मेसी २८ दिन, नजत फार्मेसी १० दिन, सारीका मेडिकल हल ७ दिन र बिक्रम फार्मेसीलाई १० दिन निलम्वन गरिएको हो । जेठ महिनामा कारवाहीमा परेका उनीहरुको निलम्वन भने फुकुवा भइसकेको छ ।
अनुगमनका क्रममा फार्मेसीहरु दर्ता नभएको, औषधि सञ्चय गरी बिक्री वितरण गरेको भेटिएपछि कारबाही गरिएको उहाँको भनाइ छ ।
अनुगमनका क्रममा फर्मासिस्ट तथा तथा तालिम प्राप्त व्यवसायी पसलमा नभएको, अरुको लाइसेन्स भाडामा लिई गैर व्यक्तिले चलाउने गरेको पाइएपछि ति फामेर्सी पसल कारबाहीमा परेको विभागका फार्मेसी अधिकृत साहले जानकारी दिनुभयो ।
उहाँका अनुसार कागजी प्रक्रिया पुरा हुन बाँकी थप फार्मेसीलाई पनि कारबाही गर्ने तयारी छ। विभागले चैत्र, वैशाख र जेष्ठ महिनामा बाँके, सुर्खेत , प्युठान , रोल्पा , दाङ जिल्लाहरुको अनुगमन गरेको थियो।
