(सन्तोष थापा क्षेत्री)
दाङ । प्यूठानको स्वर्गद्वारी ४ भ्यागुतेमा शनिबार मध्यान्ह भएको जीप दुर्घटनामा रुपन्देहीको मायादेवी गाउँपालिका–३ का ३२ वर्षकी गुडिया ठाकुरको घटनास्थलमै मृत्यु भएको जिल्ला प्रहरी कार्यालय प्यूठानमा डीएसपी सत्यनारायण थापाले जानकारी दिए ।
स्वर्गद्वारीबाट भिङ्ग्रीतर्फ जाँदै गरेको लु ३ च ३५३ नम्वरको जीप दुर्घटना घाइते भएका १४ जनामध्ये ९ जनाको अवस्था गम्भीर छ । घाइतेहरुलाई प्राथमिक उपचारपछि बुटवल रिफर गरिएको छ । प्रहरीका अनुसार जीप रिजर्ब गरेर स्वर्गद्वारी दर्शनका लागि आएका थिए । जीपमा १७ जना सवार थिए ।
