ABC (क्राईमबिट)
काठमाडौं । राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवं नेपाल प्रहरी खेलकुद समितिका सदस्य-सचिव प्रहरी अतिरिक्त महानिरीक्षक मुकुन्दराज आचार्यको प्रमुख आतिथ्यतामा एक कार्यक्रम आयोजना गरी विभिन्न खेलमा पदक प्राप्त गर्न सफल नेपाल प्रहरीको खेलाडीहरुलाई सम्मान तथा बधाई ज्ञापन गरियो ।
मिति २०७९।०३।१० गतेदेखि ऐ.१३ गतेसम्म Chuncheon, Korea मा संचालन भएको “25th Asian Taekwondo Championship”, मिति २०७९।०३।१५ गतेदेखि ऐ.१७ गतेसम्म संचालन भएको “Chuncheon Korea Open Int’l Taekwondo Championship”, मिति २०७९।०३।१९ गतेदेखि ऐ.२३ गतेसम्म संचालन भएको “1st shinsung University President’s Cup International Taekwondo Competition 2022” र मिति २०७९।०४।०५ गतेदेखि ऐ.१० गते सम्म संचालन भएको “The 15th World Taekwondo Cultural Expo” मा नेपाल प्रहरीका खेलाडीहरु सहभागी भई ४ स्वर्ण र १ रजत पदक प्राप्त गरेका थिए ।
त्यसैगरी स्पोर्टस हव नेपाल प्रा.लि., कपन काठमाडौको आयोजनामा मिति २०७९।०४।११ गतेदेखि ऐ. १४ गतेसम्म संचालन भएको “प्रथम स्पोर्टस हव राष्ट्रिय खुल्ला ब्याडमिन्टन प्रतियोगिता-२०७९” मा सहभागी भई मेन्स डबल्स ईभेन्टसमा द्धितीय स्थान हासिल गर्न सफल भएका थिए ।
र हरितालिका तिजको अवसरमा नव आदर्श सामुदायिक विकास समाज लामाचौर, पोखराको आयोजनामा मिति २०७९।०५।११ गतेबाट सञ्चालन भएको “लामाचौर कप राष्ट्रिय पुरुष तथा महिला भलिबल प्रतियोगिता” मा नेपाल प्रहरीको पुरुष तथा महिला भलिबल टिमको सहभागी भई दुवै टिमले प्रथम स्थान हासिल गर्न सफल भएका थिए ।
