१४ साउन २०८२, बुधबार
30-07-2025 , Wed
×

लाइन नबुझाएको आरोपमा दुःख दिन थालेको भन्दै डिआइजी उपाध्यायविरुद्ध हेडक्वार्टरमा उजुरी

Logo
प्रकाशित मंगलबार, मंसिर १३, २०७९


ABC (क्राईमबिट)
काठमाडौं । लुम्बिनी प्रदेशका डिआइजी नलप्रसाद उपाध्यायविरुद्ध मातहतका प्रहरीले प्रहरी प्रधान कार्यालया उजुरी गर्न थालेका छन् । लाइन नबुझाएको आरोपमा दुःख दिन थालेको भन्दै उनीहरुले आफ्नै हाकिमविरुद्ध मौखिक उजुरी दिन थालेको स्रोतले दृष्टिलाई बताएको छ ।

डिआइजी उपाध्यायले सीमा चौकीका इन्चार्जदेखि जिल्ला प्रहरी प्रमुखसम्म लाइन मागेको स्रोत बताउँछ । यसरी नबुझाउने कतिपयलाई कारबाहीको धम्की दिदै आएका छन् ।

आइतबार डिआइजी उपाध्यायले प्रदेशभरीका इन्चार्जहरुलाई भेट्न बोलाएका थिए । जुन भेटमा उनले चुनावमा आएको बजेटबाट बचेको केही रकम बुझाउन भनेको एक अधिकृत बताउँछन् । कमाउने अधिकृतहरु उनको निर्देशनबाट हौसिएका छन् भने इमान्दारहरु पीडित बनेका छन् । कपितय लेखापालहरु समेत डिआइजीबाट पीडित बनेको स्रोत बताउँछ ।

सीमा नाकामा डिआइजी उपाध्याय आफैंले इन्चार्जहरु खटाएका छन् । सुरु सरुवामै एडभान्स पैसा उठाउने गरिएको आरोप छ । त्यसरी खटिएकाहरुको ध्यान नै कमाउनेमा हुने भएकाले सीमा क्षेत्रमा तस्करी मौलाएको छ । पश्चिम नवलपरासीदेखि बर्दियासम्मका नाकामा बेथिती बढेको छ । यसरी कमाएको पैसाले नै एआइजी हुने भन्दै डिआइजी उपाध्यायले प्रदेशमा आतंक मच्चाएको स्रोतले बताएको छ ।

उता चुनावको नजिता नआउँदै गृह मन्त्रालयले एआइजी बढुवाको गृहकार्य अघि बढाएको छ । चुनावमा पराजीत भएका गृहमन्त्री बालकृष्ण खाणले बढुवा प्रक्रिया अघि बढाएको गृह स्रोतले बताएको छ । छिट्टै मन्त्री पदबाट हट्नुपर्ने भएपछि उनले
आफ्नै कार्यकालमा एआइजी बढुवा गर्न लागेका छन् । त्यसका लागि निर्वाचन आयोगसँग समेत सहमति लिइसकेको स्रोत बताउँछ ।

एआइजीका हाल चार सिट रिक्त छन् जसमा १६ जना डिआइजी प्रतिस्पर्धामा छन् । सिनियर टोलीबाट नलप्रसाद उपाध्याय, मोहन आचार्य, मसउन आलम खाँ छन् । उनीहरु कार्यक्षमतामा कमजोर भएकाले बढुवा हुने सम्भावना कम छ ।

त्यस्तै, नयाँ टोलीबाट बसन्तबहादुर कुँवर, अशोक सिंह, टेकप्रसाद राई, दीपक थापा, श्यामलाल ज्ञवाली, उमेशराज जोशी, किरण बज्राचार्य, सन्दीप भण्डारी, रामदत्त जोशी, मिरा चौधरी, किरण राणा, दुर्गा सिंह, भिम ढकाल लगायत प्रतिस्पर्धामा छन् । अहिले बढुवा हुने चैतमा आइजिपीको दाबेदार हुने भएकाले यो बढुवामा ठूलै संघर्ष हुने देखिएको छ ।दृ

कमेन्ट गर्नुहोस्
सम्बन्धित

काठमाडौं । गत आर्थिक वर्ष २०८१/०८२ मा वैदेशिक रोजगारीका क्रममा ज्यान गुमाएका नेपालीहरूको शव सम्बन्धित परिवारलाई बुझाइएको जनाएको हो । प्रहरीको तथ्यांक अनुसार सबैभन्दा बढी मृत्यु हुनेमा २६ देखि ३० वर्ष उमेर समूहका युवाहरू रहेका छन् । यस उमेर समूहका २३३ जनाको शव नेपाल ल्याएर परिवारलाई बुझाइएको छ । त्यस्तै २० वर्षभन्दा कम उमेरका २९ […]

बाँके । नेपालगन्ज रासायनिक मलको अभावले किसानहरू गम्भीर समस्यामा परिरहेका बेला योङ कम्युनिस्ट लिग (वाइसीएल) नेपाल बाँकेले जिल्ला प्रशासन कार्यालय बाँके मार्फत सरकारलाई ज्ञापनपत्र बुझाएको छ । वाइसीएलका केन्द्रीय सचिवालय सदस्य किस्मत आली शेष ‘जीत’ को प्रमुख उपस्थितिमा बाँके जिल्ला अध्यक्ष नरेन्द्र ददेलद्धारा हस्ताक्षरित उक्त ज्ञापनपत्रमा तत्काल मल आपूर्ति सुनिश्चित गर्न माग गर्दै आन्दोलनको चेतावनीसमेत […]

पर्सा । नेपालको मधेश प्रदेश—देशको समथर भूभाग, जहाँ देशको एक तिहाइभन्दा बढी जनसंख्या बसोबास गर्छ—आज गम्भीर जल संकटको सामना गरिरहेको छ। पानी मानव जीवनको आधार हो, तर यतिबेला मधेशवासीहरूलाई स्वच्छ पिउने पानीको अभावसँगै सिँचाइ र सरसफाइको लागि आवश्यक पानीको हाहाकार झेल्नुपरेको छ। यस संकटको जरा केवल प्राकृतिक स्रोतको सीमिततामा छैन, यो राजनीतिक इच्छाशक्ति, नीति निर्माणमा […]

error: Content is protected !!