(ABC-Sanchar)
दाङ । प्युठानकाे स्वर्गद्वारी मन्दिर परिसर क्षेत्रका यात्रुकाे सुविधाका लागि सार्वजनिक प्रतिक्षालय निर्माण गरिएको छ ।
पर्यटकिय तथा धार्मिक स्थल स्वर्गद्वारी मन्दिरदेखि २ सय मिटर नजिक धरमपानीमा यात्रुहरुको सहजताका लागि सार्बजनिक प्रतिक्षालय निर्माण गरिएको हाे ।
करिब १ लाख ५० हजार लागतमा निर्माण भएको प्रतीक्षालयको त्रिशिद्देश्वरी राप्ती यातायात सेवा प्रालिले प्रतिक्षालय निर्माण गरेकाे हाे । प्रालिका संरक्षक भरतनाथ योगिले रिबन काटेर प्रतिक्षालयकाे उद्घाटन गरे।
प्रतीक्षालय स्वर्गद्वारी आश्रमका प्रतिनिधि हरि अधिकारीलाई प्रालिका संरक्षक भरतनाथ याेगी, प्रशासनिक सचिव तेजप्रसाद अधिकारी(राजु), काेषाध्यक्ष प्रेम रावतले हस्तान्तरण गरे ।
