(सागर थापा)
दाङ । घोराही उप-महानगरपालिका वडा नं १८ नवलपुर स्थित फुटबल ग्राउण्ड नजिक शंकास्पद रुपमा हिडिरहेको अवस्थामा यस जिल्ला प्रहरी कार्यालय दाङ बाट खटिएको प्रहरी टोलीले ऐ.४ सुनपुर बस्ने बर्ष १९ को बिक्रम भण्डारीको शरिर खानतलासी गर्दा निजको साथ बाट लागु औषध जस्तो देखिने खैरो पदार्थ (ब्राउन सुगर) प्लास्टिक सहित तौल गर्दा १.०१ ग्राम र प्लास्टिक हटाई तौल गर्दा ८५० मिली ग्राम, फेला पारी नियन्त्रणमा लिई अदालतबाट म्याद थप भएको ।
पुस २१ गते अन्दाजी १४:०० बजे जिल्ला दाङ लमही न.पा. वडा नं.४ अर्नवा स्थित जि.दाङ गढवा गा.पा.६ बस्ने वर्ष २८ को मनोज कुमार यादव र ऐ.बस्ने वर्ष २१ को बिशाल परियारको साथमा लागु औषध राखेको भन्ने गोप्य सुचनाको आधारमा व.प्र.का.लमही बाट प्र.नि.पुष्पराज थापाको कमाण्डमा खटिएको प्रहरी टोलीले निज दुबै जनालाई नियन्त्रणमा लिई रित पुर्वक खानतलासी गर्दा मनोज कुमार यादवले लगाएको 
सेतो कालो किरिमिरे ज्याकेटको साईडको दाहीने खल्तीमा कालो प्लाष्टिकमा राखेको तत्काल प्लाष्टिक सहित तौल गर्दा ५.३२ ग्राम र प्लाष्टिक हटाई हेर्दा गिलो अबस्थामा रहेको लागु औषध जस्तो देखिने (ब्राउन सुगर) पदार्थको मात्र तौल गर्दा ४.८१ ग्राम तौल भएको लागुऔषध (ब्राउन सुगर) जस्तो देखिने पदार्थ फेला पारी बरामत गरी दुबै जनालाई नियन्त्रणमा लिई थप अनुसन्धान भईरहेको दाङ प्रहरी प्रमुख एसपी वीर बहादुर वलीले जानकारी दिनुभएको छ ।
