(ABC-Sanchar) काडमाडौं । प्रधानमन्त्री पुष्पकमल दाहाल ‘प्रचण्ड’ले परराष्ट्रमन्त्री विमला राई पौड्यालको स्वीट्जरल्याण्ड भ्रमण रोकेका छन् । मन्त्री पौडेलले संयुक्त राष्ट्रसंघको मानवअधिकार परिषद्को बैठकमा भाग लिन आइतबार जेनेभा जाने तयारीमा थिइन् ।
तर, प्रधानमन्त्री प्रचण्डले अचानक आइतबार बिहान मन्त्री पौडेलेको भ्रमण रोकेको स्रोतको भनाइ छ । आठ दलको नयाँ गठबन्धन बनेपछि एमालेबाट मन्त्री बनेकी पौडेललाई प्रधानमन्त्री प्रचण्डले भ्रमणमा रोक लगाएको बताइएको छ ।
उक्त नियमित सत्र फागुन १५ देखि चैत १३ गतेसम्म चल्नेछ । नेपाल मानवअधिकार सुरक्षा परिषद्को सदस्य हाे । मन्त्री पौडेल जेनेभाबाट दोहा आउने र त्यहाँ अतिकम विकसित राष्ट्रहरुको पाँचौं सम्मेलनमा सहभागी हुने कार्यक्रम समेत रहेको थियो । अतिकम विकसित राष्ट्रहरुको पाँचौं सम्मेलनमा भाग लिन प्रधानमन्त्री प्रचण्ड भने शुक्रबार कतार जाने कार्यक्रम छ ।
