(ABC-Sanchar)
दाङ । घोराहीमा आईतवार बेलुका मिनी ट्रकले ठक्कर दिँदा एक जनाको मृत्यु भएको छ भने दुइ जना गम्भिर घाइते भएका छन् । घोराहीबाट लमहीतर्फ जाँदै गरेको ०३००१ क ०१६९ नम्बरको मिनी ट्रकले घोराही लमही सडक खण्डको कुइरेपानीमा प्रदेश ०२०६१ प ३६५७ नम्बरको मोटरसाइकललाई ठक्कर दिदा मोटरसाइकलमा सवार प्युठान नौवहिनी गाँउपालिका ६ का ३२ वर्षका राजन केसीको मृत्यु भएको प्रहरीले जनाएको छ । घाइते केसीको उपचारका क्रममा राप्ती स्वास्थ्य बिज्ञान प्रतिष्ठान घोराहीमा मृत्यु भएको हो ।
दुर्घटनामा निजकी श्रीमती २६ वर्षकी सन्ध्या केसी र २ वर्षकी छोरी राष्टीयता केसी गम्भिर घाइते भएको छन् । घाइतेको दुवैजनाको घोराी स्थीत राप्ती स्वास्थ्य बिज्ञान प्रतिष्ठानमा उपचार भैरहेको दाङका प्रहरी प्रमुख एसपी वीर बहादुर वलीले जानकारी दिएका छन् ।
