(बिदुर एमसी)
दाङ । नेपाल पत्रकार महासंघ लुम्बिनी प्रदेशको प्रदेश राजधानी राप्ती उपत्यका भालुवाङमा बन्न लागेको नवनिर्मित भवन
अलपत्र अबस्थामा रहेको छ ।
नेपाल पत्रकार महासंघका प्रदेश सम्बन्धि अहिलेसम्मका सबै काम प्रदेशका ठूलाठूला पदहरु ओगटेर बसेका व्यक्तिका झोलाबाट सञ्चालित ।
महासंघका लुम्बिनी प्रदेशका सबै कागजपत्रहरु सत्तामा आसिन बडेबडे मन्त्री र नेताहरूका वरिपरि नाच्ने केही पत्रकार भनिनेहरुका झाेलामै थन्काएर राखिएको प्रति सबैजसो श्रमजीवी पत्रकारहरुको गुनासो आएको छ ।
यस विषयमा जिज्ञासा राख्न खाेज्दा नेपाल पत्रकार महासंघ लुम्बिनी प्रदेशका महासचिव विक्रम खड्काले वर्षातकाे मौसम समस्याले गर्दा र निर्माण व्यवसायी ठेकेदारकाे ढिलासुस्तीले बनेको भवन कार्यालय प्रयाेजनमा विलम्ब भएकोले यथाशीघ्र साे कामकाे थालनी गर्न जाेडदार रुपमा लागिपरेको प्रतिक्रिया दिए ।
साथै नेपाल पत्रकार महासंघको प्रदेश कार्यालय कोही कसैको झोलामा नभएको र बुटवलबाट सञ्चालन हुँदै आएको पनि जानकारी दिए ।
